守望相助(討論)26
一位署名heidi的朋友問到：
請問各位, 小妹現有 672 (eipo) & 3808 , 368 , 390 (是孖展抽到的) , 我看見672, 3808 及 368 都是每日下跌, 我應該死守 or 全部沽了好呀, 有冇機會返升呀? 希望各位可以幫一幫我啦~
謝謝~
歡迎有識之士作出解答或者發表意見。
請問各位, 小妹現有 672 (eipo) & 3808 , 368 , 390 (是孖展抽到的) , 我看見672, 3808 及 368 都是每日下跌, 我應該死守 or 全部沽了好呀, 有冇機會返升呀? 希望各位可以幫一幫我啦~
謝謝~
歡迎有識之士作出解答或者發表意見。
標籤： 守望相助(討論)
posted by 貝沁才 at 10:17 下午
28 Comments:
Be careful it might drop more after the "support volitility" period
個人意見
386又唔當炒(炒完),行業周期可能見頂,可沽出,重汽可睇長少少,大户似收緊貨,等長少少,390我都有,長線睇10幾蚊
368不應沽,除非你找到隻更好的,368可長渣
672 好曳,止唔止蝕隨便你
3808 最good,長渣
我想話比貝沁才先生聽,近期你個blog好唔穩定,經常很耐先show島野出來/直情show唔到野出來,請先生立即正視此問題,小弟在此謝過
其實 "672" 應唔應該止蝕~ 真的無機會回彈, 因我看見之前 "2007" 上市後都下跌兩個月, 之後就急遽回彈, 因此有這問題consider而做不到決定!
368真係等到我無乜耐性了....., 如你不想止蝕, 你就合埋眼不要埋佢吧
嘩,上市好似一個月都無,你就無耐性,你真係好無耐性下喎
672在眾地產股中屬於僅屬中等之流(在港上市好多間同類公司都在佢之上),唯一好處是土地買入價佢就比人地平,可是但其負債偏高得頗為嚴重,現錢又太少,回報率不穩定,邊利也偏低,與其渣住佢,倒不如換d較高質素的地產股了,除非你唔介意渣住佢,博間公司會改善咁就另計,不過俾我的話不會博囉.
368及3808本人都有持有,而672本人没有持有(因本人當時抽了3800保利協鑫,但3800本人已在$4.5放了,現時暫冇貨),本人認為2間公司皆不俗,不過受制於股市波動及市盈率貴了一點所影響,加上是大型招股,要佢地升需要時間等好友接多d貨.兩隻相比個人較喜歡3808,而368要升需要時間,因為佢地正在造緊新船,造好已是約2009~2010年的事,到時貨運量會上升的.若冇耐性等,368可候價沽出,個人認為2866及2343暫時會比368好一點.
謝謝! 各位的回覆, 我會將 672 轉中鐵($7.0- %7.5)入!
7.0-7.5 ?
入左未？
今日做緊７．７ 了
唔知會否跌番落黎
heidi,又唔使咁衝動喎 = ="
若地產股升/個大市氣氛轉好,672仍有機會的,不過中鐵升到咁先來入可能有點兒風險呢
eddie~ Thank you! 各位我有一個問題, 我想問3808及368, 你們估什麼時間會到招股價, 因我是孖展反來的~ 謝謝各位!
中鐵大升 @.@ , 世事真難料
回heidi,呢層好難料,不過本人覺得3808應該會升得快過368,呢d真是要長綫的了,要等大市氣氛轉好,次按危機解除,年尾應該點都炒一轉吧,況且兩間公司都處增長期.重汽$10.8會幾重要,跌穿左就真係唔知點算,中外運不斷跌,好難定止蝕位
明白, 多謝曬! 我會留意多d
heidi,其實你都好叻播識得轉碼中鐵 :p
老實說,個市不會長升不跌or長跌不升,由於有錢佬要搵銀,必定要個市有升有跌才能賺最多,可是,個別股份是有長跌不升,但没有長升不跌,所以我們必須慧眼識股
如果講到IPO, 在下是常客, 亦會用margin玩. 你提到果幾隻, 我都有抽, 仲要係大手中獎...哈哈.
368 一睇就知無得玩, 近排成個航運板塊比人沽到散晒咁滯, 你睇下中海集運, 幾日就跌走左30%... 連做開呢行既超人都大手減持, 我諗都無得守架啦... 所以我係368 上市第1日已經平手價(8.1x 左右)沽晒貨走左人, 只係蝕margin 利息.
老實講, 就算要買航運股, 都有大把可以揀, 2343 PE 仲低, 唔一定要死守 368.
所以你第1件事要諗下, 自己真係想投資368, 定係投機. 如果投機, 10% 止蝕既話應該早就離場.
至於中國重汽, 我比較睇好佢, 因為佢盤數又靚, 係行業內既地位都數一數二, 所以如果你有耐性, 可楂長睇定先, 但係你要預左佢近期都可能無大變動.. 因為佢既對手最近都已經跌左唔少, 變左重汽既折讓少左, 個價自然有壓力...
中國中鐵我長線睇好呀!
我IPO 中左7手, 另外係佢上市第1日再掃多 10手, 平均成本 $6.6/股, 依家隻股去到8.7左右, 理論上安全, 在下諗住坐定定~~
各位朋友, 有無中鐵fans 呀? 大家講下分享下吧~~ 有無人開市第1分鐘 $6.8 入到貨??
eddie and kenie,
我 672 轉唔"設" 中鐵, 所以我唔叻 ...
現在 672 又大幅下跌, 我都唔知點好, 心情差透了~~ 等又死唔等又死~~ 心想都是好價d先轉(-.-,)
Heidi,
如果你個情況去到呢個位, 我建議你唔好亂跳車住先... 等672黎一個短線見底反彈, 先清佢倉, 再轉中鐵都未遲...
長遠黎講, 672 我完全唔睇好, 因為如果你有留意佢盤數, 你應該唔敢抽的~ Heidi 你係咪無睇過佢盤數? 我發覺佢如果唔計資產重估, 佢既盈利得返好少好少, 再用果個盈利數字去計PE, 會嚇死你... 以招股價計, 會計到700 倍!!
而且紅色地產股近排走勢唔掂, 連龍頭果堆都跌左好多, 所以如果你真係想買紅色地產股, 我建議你買富力(2777)果類, 會穩陣少少, 不過都係要等多陣, 依家個市都幾差...
不過我估你抽672都係投機居多 XD.
全中, haha ~~
我嘗嘗等~~
希望得到大市年尾幫助!
kenie,謝謝賜教,但你聽過降市盈率嗎?聽過航運業有週期嗎?其實heidi,你不介意的話,368就由佢擺吧,要知道佢盈利仲多過2343,只不過間公司未夠2343成熟,又是半新股,呢排航運股咩都跌,不能作準,假以時日,隻位數字的價錢我咁保證是不成問題的
672太差了,本人不多說,要等佢好,真係要俾耐性
如果你持貨不多,就不用學人咁走短線了,本人是喜歡跌了長楂,有賺走佬之人,哈哈
雙位數字*
守得到才會win,個市咁跌仍算健康,跌得太多就會越來越不健康,假以時日一定會升番的,跌得太多,政府就要托市啦,如果日日跌,有錢佬果啲put輪及期指對沖出唔到貨,佢地賺什麼?
應該咁講,佢地不會由個市係咁跌的,係咁跌,put輪就出不到(因為佢想賺多d),而股票又做哂大閘蟹(當然佢地唔會"窄"住大多,因為佢都出左d貨),但都窄左d,佢地要賺最多的話,就要所有貨都出得到,如果係咁,個市就一定要有升有跌,有跌有升才行
eddie, 唔敢講"教", 只係大家分享下~
航運股方面, 你係base on 中至長線, 先去講週期嘛~ 我同heidi呢d係擺明"投機失敗"呀...哈哈~ 買股要知自己做緊乜, 投機同投資係好唔同, 如果自己分唔清, 根本定唔到策略的~
投機失敗左, 我會選擇認輸, 明知大勢唔就, 都係閃人先比較穩陣.. 到個勢開始OK 返, 先至行返入去無壞喎~ 計數都計到, 如果你買入左隻股之後, 下跌左50%, 你要佢返到身, 就要升夠100%, 就算隻股真係升得返, 都要等好耐, 對我地呢d投機散戶, 機會成本輸晒...
講返大戶, 依家個市已經唔係炒"單邊", 係炒大型波幅, 大戶係升又食, 跌又食架~
個市跌, 好明顯係大佬派完貨, 先賺你一大筆, 分分鐘佢地仲沽空埋, 期貨果邊一樣, 佢地等個市最熱果陣, 已經一早沽晒好倉, 再"沽突"埋, 變成楂淡倉, 然後等個市跌, 跌完之後佢地用低價買返現貨同期指平返倉, 又再賺多你一大筆, 股市呢個遊戲就係咁不斷repeat又repeat...
有一點你講得岩, 個市唔可以成日跌, 要升升跌跌大佬先可以食到盡, 但係唔等於你所講既"守得到才會win"...
應該咁諗, 個市由高位急插, 大家都知發生咩野事, 大戶出完貨等跌, 跌到落一個比較低既水平, 果陣時佢地又會再炒過, 但係佢地已經將d資金轉去炒另一類股票, 舉個例子會易明少少:
幾個月前, 航運股果類都仲係喪炒中, 大戶既藉口既"波羅的海指數", 將成堆航運股推到高位, 跟住派貨, 因為佢地倉位太巨型, 佢地無可能一下子清倉, 因為如果一下子清倉, 佢地未出晒貨已經會沽到個股價散晒... 所以你會發覺有一排果類股比人頂係高位, 個價無再向上升但係同時成交量大, 好有派貨feel, 我估計佢地用1-2個月既時間出晒貨, 就散水走人, 散戶盲中中接火棒, 都唔知大戶已經食左糊, 死楂住d 股票唔放, 結果高位入市唔識止蝕果d人死得最慘(個板塊下調左30% 有多)...
之後大市反彈, 你見唔到d 航運股回升, 因為大戶將d錢拎去炒過第二樣野, 例如近排炒本地銀行股, 本地地產股, 炒作主題變左"減息", 所以話股票係一浪浪咁炒, 炒完一個行業, 再炒另一個行業, 大戶未必就會即時返炒航運股. 所以如果要守, 真係可能有排等...
而且近排個市旺, IPO 價錢定到好貴, 係呢d 時候真係要搵好股投資已經好難... 抽呢段時候既IPO 更加好難話"投資"... 既然係投機, 就要認自己有賭博心態, 輸左要止蝕, 呢樣係避開風險既必要動作.
eddie, 你"喜歡跌了長楂,有賺走佬", 咁等於win 就win到20,30%, 但係跌果邊可能一隻已經跌走50%, 長此下去好易輸錢.
總之, 大市風高浪急, 大家小心!
共勉之.
Re : Kenie , 太棒的言論了,真是令小弟大開眼界,謝謝你;有一點要補充,守得到才會win只限有潛力的股票.你講得好啱,不過本人之所以咁保守係因為好怕風險囉,本人好怕換左又衰果d人,你中意博,本人又中意守,各有各玩,哈哈,祝大家win多d$$!!
有點兒輕嘆,kenie&eddie原來早排是friend來的,後來竟被那些衰人挑撥,真是令人婉惜
672 performance 有點驚喜,呢d位小注吸作長楂無不可,390:股東權益回報大幅走低,失望,走都不妨,長楂也無妨.3808及368不是衰,只是要等.
發佈留言
<< Home